Albalılıqda təkər qaldırıb “avtoşluq” edən sürücü - 90-OM-367 - VİDEO

Paytaxtda kobud qayda pozuntusu törədən sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, görüntü bir müddət öncə axşam saatlarında  “Albalılıq” yaşayış massivində qeydə alınıb. Belə ki, 90-OM-367 dövlət nömrə nişanlı “VAZ-2107” markalı avtomobilin sürücüsü sağa-sola manevr edərək maşının təkərlərini yer səthindən qaldırıb. Xoşbəxtlikdən hadisə zamanı yolda nəqliyyat vasitəsi olmayıb.

Qeyd edək ki, sürücü mütəmadi olaraq qayda pozduğunu rəy bölməsində bildirib.

Xatırladaq ki, sürücünün törətdiyi bu qayda pozuntusu avtoxuliqanlıq göstəricilərinə əsaslanır və İnzibati Xətalar Məcəlləsinin 327.4-cü maddəsinə əsasən, 4 bal 150 manat cərimə nəzərdə tutulub.

Nərmin