Ata 4 yaşlı oğlunu maşınla vurub öldürdü - İmişlidə dəhşət

İmişlidə 4 yaşlı uşaq bədbəxt hadisə nəticəsində ölüb. Avtosfer.az-ın APA-ya istinadən verdiyi məlumata görə, rayonun Qızılkənd kəndinin sakini Anar Rüstəmov idarə etdiyi "Qazel” markalı yük maşını ilə oğlu, 2013-cü il təvəllüdlü Feyruz Rüstəmovu vurub. A.Rüstəmov avtomobil arxaya verərkən oğlu nənəsindən əlindən qaçıb və maşının altında qalıb. Uşaq hadisə yerindəcə ölüb.

Faktla bağlı İmişli rayon polis şöbəsi tərəfindən araşdırma aparılır.