Atasının maşınıyla “hoqqa” verən gənc “avtoş” saxlanıldı - RƏSMİ - VİDEO

Şəmkirdə yol hərəkəti qaydalarını pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 90-OP-260 dövlət nömrə nişanlı “VAZ-2104” markalı avtomobilin sürücüsü yolda təhülkəli manevrlər edib. Belə ki, sağ-sol edən sürücü dəfələrlə “şou” göstərib. Eyni zamanda o, sürücülük vəsiqəsi olmadan atasının maşınını idarə etdiyini bildirib.

Şəmkir Rayon Polis Şöbəsinin Dövlət Yol Polisi Bölməsində sözügedən görüntülərlə müvafiq araşdırma aparılıb. Avtomobil sahibi Polis Bölməsinə dəvət olunaraq onunla profilaktiki söhbət aparılıb və bu kimi halların təhlükəli olduğu xatırladılıb. Sürücü barəsində qanunamüvafiq tədbir görülüb.

Nərmin