Avtobus sürücüsü növbəti dəfə qaydaları pozub – VİDEO

Paytaxtın Nizami rayonunda sürücü sükan arxasında telefonla danışıb.

Avtosfer.az xəbər verir ki, Nizami rayonu, Qara Qarayev prospektində 12 nömrəli marşrut avtobusunun sürücüsü avtobusu idarə edərkən mobil telefondan istifadə edib.

Hadisəni qeydə alan sərnişin bildirir ki, Əli Vəliyev küçəsində avtobusa mindiyi andan etibarən sürücünün telefonda kimləsə hal-əhval tutub və bu, “Neftçilər” metrosuna qədər davam edib.

Həmin sürücünün dəfələrlə belə bir addım atdığı və buna görə cəzalandırıldığı bildirilir.

Səfər Əlizadə