Avtobus sürücüsü qoşa xətti keçdiyi üçün işdən qovuldu - FOTO

Paytaxtda avtobus sürücüsü işdən azad edildi. Avtosfer.az xəbər verir ki, Bakı Nəqliyyat Agentliyindən (BNA) trend-ə verilən məlumata görə, 20 saylı marşrutla bağlı daxil olan şikayət və fotoşəkillər əsasında "10-TG-704" seriyalı avtobusun sürücüsü A.Məhərrəmov yol hərəkət qaydalarını pozduğu və bu kimi hallara mütəmadi yol verdiyi üçün Agentliyin iradı əsasında daşıyıcı şirkət tərəfindən işdən azad edilib. BNA qeyd edir ki, yolda təhlükəsizlik qaydalarına əməl etmək ümumi məsuliyyətdir. Sürücü, sərnişin, daşıyıcı şirkət eyni qaydada öhdəlik daşıyır. Agentlik bu kimi hallarla bağlı iradları, təklif və şikayətləri qəbul edir.

Emin