Avtobus sürücüsü sərnişinin həyatını təhlükəyə atdı – DYP tutdu - VİDEO

Bugün saat 13.19 radələrində İstiqlaliyyət küçəsində 18 saylı marşrut avtbusu kobud qayda pozuntusuna yol verdiyi üçün yol polisi əməkdaşları tərəfindən cərimə edilib. Hadisə yerində olan Avtosfer.az-ın əməkdaşı bildirir ki, avtobus sürücüsü Bakı şəhər İcra Hakimiyyətinin qarşısında dayanmış sərnişini götürmək üçün dayanarkən onun həyatına təhlükəyə atıb. Belə ki, yoldan keçən minik avtomobili qəflətən yola çıxan sərnihini vurmamaq üçün qəza vəziyyətinə düşüb. Ərazidə xidmət aparan 99 P 055 dövlət nömrə nişanlı motosikletçi yol polisi əməkdaşı dərhal avtobusa "saxla" işarəsi verib. Avtobus sürücüsü dayanmaq istəmədikdə isə daha bir YPX əməkdaşı motosikletlə avtobusun qarşısını kəsib. Sürücü törətdiyi əməli etiraf etmək əvəzinə səs-küy salıb mübahisə etməyə çalışsa da, yol polislərə ona bu qayda pozuntusuna görə 100 manat, 3 bal cərimə yazıb. 

Maddə 346.3. Ümumi istifadədə olan nəqliyyat vasitəsini sərnişinləri mindirmək və ya düşürtmək üçün bu məqsədlə xüsusi olaraq müəyyən edilmiş dayanacaq meydançalarından və ya 5.12, 5.13 nişanları ilə işarələnmiş dayanacaq yerlərindən kənarda dayandırmağa görə 100 manat məbləğində cərimə edilir. Eyni zamanda, 3 cərimə balı da tətbiq olunur.

Qeyd edək ki, 18 nömrəli marşrut avtobusu "Xaliq Faiqoğlu" MMC-yə məxsusdur.

Elmin