Avtobus zolağında nöqsan! - Sürücülər qayda pozmağa məcbur olur - VİDEO

Bakıda çəkilmiş avtobus zolağı sürücüləri qayda pozmağa vadar edir. Avtosfer.az xəbər verir ki, söhbət paytaxtın Atatürk prospektindən gedir.

Belə ki, avtobus zolağı digər zolaqlardan bütöv xətlə ayrıldığı üçün marşrut istiqamətini dəyişən sürücülər həmin xəttin tələbini pozurlar. Qeydə alınmış videogörüntüdən də aydın şəkildə görünür ki, müəyyən edilmiş marşrut üzrə hərəkət edən avtobusun sürücüsü istiqaməti dəyişən zaman bütöv xəttin tələbini pozur. Sürücü bunu məcburiyyətdən etsə də, faktiki qayda pozmuş hesab edilir.

Hərəkətin bu cür təşkili düzgün hesab edilmir. Əslində avtobus zolaqları təşkil edilən zaman həmin küçədən hansı marşrut xəttlərinin keçdiyi və onların istiqaməti müəyyənləşdirilməlidir. Daha sonra həmin istiqamətlər üzrə avtobus zolağına giriş-çıxış nöqtələri təşkil edilməlidir.

Ümid edirik ki, qeyd etdiyimiz nöqsan tezliklə AYNA tərəfindən aradan qaldırılacaq.

Bakı şəhərində hərəkətin təşkilinə cavabdeh olan qurumlar bu məsələyə də diqqət etsələr yaxşı olar. Avtobuslara nə qədər üstünlük verilməyindən asılı olmayaraq, onlar da digər sürücülər kimi qayda pozmamalıdırlar. Nişanlanma xətti nəyi tələb edirsə hər bir sürücü ona əməl etməlidir. 

Fərid