Avtobus zolağından istifadə edilə bilərdi, amma qayda pozub təhlükə yaratdı - VİDEO

Paytaxtın Ziya Bünyadov prospektində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə dekabrın 14-də saat 11:25 radələrində qeydə alınıb. Kadrlardan aydın olur ki, ara küçədən çıxan 99-LK-638 dövlət nömrə nişanlı “Chevrolet” markalı avtomobilin sürücüsü hərəkətdə olan nəqliyyat vasitəsinə məhəl qoymadan birbaşa sol zolağa daxil olur. Nəticədə həmin zolaqda hərəkət edən avtomobil üçün qəza şəraiti yaranır. Xoşbəxtlikdən videonu qeydə alan sürücü vaxtında reaksiya verərək dayanıb və təhlükənin qarşısını alıb.

Qeyd edək ki, belə halların baş verməməsi üçün sürücülər manevr etməzdən əvvəl yolu diqqətlə müşahidə etməli, daxil olacaqları zolağın boş olduğuna əmin olmalıdırlar.

Şirvanda “VAZ” əvvəl “BMW”yə, sonra ağaca çırpıldı - VİDEO

Digər tərəfdən, prospektdə yerləşdirilmiş məlumatlandırıcı lövhədə göstərilir ki, hadisənin baş verdiyi vaxt aralığında sürücülər avtobus zolağından istifadə edə bilərlər. Bu baxımdan qayda pozan sürücü təhlükəli manevr etmək əvəzinə həmin zolaqla hərəkət edə bilərdi.

Nərmin