Avtobusda siqaret çəkən sürücüdən küçə söhbətləri: "Ölürsən işverənlikdən ötrü" - VİDEO

Bakıda avtobus sürücüsünün hərəkətləri sosial şəbəkədə yayılıb. Avtosfer.az xəbər verir ki, hadisə 10-TG-466 qeydiyyat nişanlı 93 saylı marşrut avtobusunda baş verib. Belə ki, sərnişin avtobus sürücüsünün siqaret çəkməsinə irad bildirib. Sürücü isə buna əhəmiyyət vermədən siqareti çəkməyə davam edib. Həmin anların videoya çəkildiyini görən sürücü bundan qəzəblənərək siqareti söndürməyəcəyini bildirib və eyni zamanda küçə söhbətləri etməyə başlayıb.

Qeyd edək ki, "Tütün məmulatlarının istifadəsinin məhdudlaşdırılması haqqında" qanun layihəsinin 10-cu maddəsinə (tütün çəkilməsinə icazə verilməyən yerlər) görə, müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə hərəkət edən avtobuslar, sərnişin daşımaları üzrə ümumi istifadədə olan avtomobil nəqliyyatı vasitələri və taksi minik avtomobillərində də tütün çəkilməsinə icazə verilmir. Bu qaydanı pozan avtobus və taksi sürücüləri İnzibati Xətalar Məcəlləsinin 322.0.4-cü maddəsinə əsasən, 40 manatdan 50 manatadək cərimələnə bilər. 

Nərmin