Avtobusun arxasına projektor quraşdırıb sürücülərin "gözünü çıxartdı" - VİDEO

Masazır qəsəbəsində qayda pozuntusu edən marşrut avtobusunun görüntüləri kameraya düşüb. Avtosfer.az xəbər verir ki, 569 saylı xətt üzrə hərəkət edən 10-TH-209 dövlət nömrə nişanlı avtobusun üzərində normativlərə zidd avadanlıq quraşdırılıb.

Videodan da göründüyü kimi, avtobusun arxa hissəsinə ağ rəngli işıq cihazı yerləşdirilib. Bu cihaz dönmə siqnalına qoşulduğuna görə, siqnal verildikdə yanıb-sönmə rejimində işləyir. Hadisəni lentə alan sürücü qeyd edir ki, həmin işıq o qədər parlaqdır ki, arxadan gələn sürücülərin gözünü qamaşdırır.

Qanunvericiliyə əsasən, nəqliyyat vasitələrinin arxasında yalnız qeydiyyat nişanını işıqlandıran və geriyə hərəkəti göstərən ağ işıqlara icazə verilir. Bunlardan əlavə hər hansı ağ rəngli işığın quraşdırılması qadağandır.

Fərid