Avtomobili səkiyə çıxarıb piyadaları işə salan sürücü CƏRİMƏLƏNDİ - FOTO

Bakıda səkini zəbt edən sürücü cərimələndi. Bu barədə Bakı şəhər Dövlət Yol Polisi İdarəsindən Avtosfer.az-a məlumat verilib. İdarənin bölmə rəisi, polis polkovniki Vaqif Əsədov bildirib ki, parklanma qaydasını pozaraq piyadaların hərəkətini çətinləşdirən sürücü Cavadov Elnur Sədaqət oğlu barəsində İnzibati Xətalar Məcəlləsinin 346.1-ci maddəsi ilə 20 manat cərimə tətbiq edilib. 

Xatırladaq ki, 90-XX-595 qeydiyyat nişanlı "Hyundai" markalı avtomobilin sürücüsü paytaxtın İslam Səfərli küçəsində parklanma qaydasını pozaraq avtomobilin ön hissəsini səkiyə qaldırıb. Oradan keçən piyadalar səkini zəbt edən avtomobilə görə yolun hərəkət hissəsinə düşməli olublar.

Fərid