Avtomobilin yaylarını kəsdirmək və ya qızdırmaq olar?- İZAH - VİDEO

Əsasən “Vaz” markalı avtomobillərin sürücüləri zavod tərəfindən avtomobilə quraşdırılmış yayları (prujinləri), “sport” adlı yaylarla əvəzləmək, bəzən isə yaylara müdaxilə edərək onları qızdırmaq və yaxud kəsdirərək qısaltmaq istəyirlər. Bununla bağlı oxucular Avtosfer.az-ın “sual-cavab” bölməsinə mütəmadi olaraq suallar ünvanlayırlar.

Bəs görəsən “sport” yayları quraşdırmaq və ya yayları qızdırmaq və yaxud da kəsərək qısaltmaq qayda pozuntusu sayılırmı?

Bu barədə hüquqşünas Ərşad Hüseynov “Düzgün hərəkət” verilişində dinləyicinin sualına izahlı şəkildə cavab verib. O, qeyd edib ki, asqılarla bağlı heç bir beynəlxalq və milli standart yoxdur. Lakin təcrübədə istehsalçının yanaşması üstün götürülür. Yəni avtomobili istehsal edən zavod hansı texniki göstəricilərə malik asqını qoyursa, həmin göstəricilərdən kənara çıxmaq normativ tələbləri pozma kimi qiymətləndirilir.

Hüquqşünas onu da qeyd edib ki, avtomobilə bu cür dəyişiklik etmək təhlükəlidir və məsləhət deyil. Çünki, nəqliyyat vasitəsinin asqılarının vəziyyəti,onun dayanıqlığına, tormozlanmasına, sükan idarə mexanizminə və yükün paylanmasına təsir edir.