“Avtoşluq” edən sürücü bəy-gəlin maşınıyla toqquşmaqdan son anda xilas oldu - REAL VİDEO

Toy karvanında avtoxuliqanlıq edən sürücü qəza riski yaradıb.

Avtosfer.az-ın məlumatına görə, hadisə bir müddət əvvəl Biləsuvar rayonu ərazisində qeydə alınıb. Hərəkətdə olan 90-HN-052 dövlət nömrə nişanlı “VAZ-2107” markalı avtomobilin sürücüsü yolda anidən təhlükəli manevrlər edib. Belə ki, “sağ-sol” edərək “avtoş şou”su göstərən sürücü idarəetməni itirib və maşını yoldan çıxarıb. Bu zaman o, bəy-gəlinin olduğu maşınla toqquşmaqdan son anda yayınıb. Xoşbəxtlikdən sürücü avtomobili vaxtında saxlayıb və baş verə biləcək qəzanın qarşısını alıb. 

Xatırladaq ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlanır.

Nərmin