Azyaşlı uşağı şüşənin önündə uzadıb həyatını təhlükəyə atdı - VİDEO

Bakıda sürücünün etdiyi məsuliyyətsiz hərəkəti oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə paytaxtın Əhməd bəy Ağaoğlu küçəsində baş verib.

Belə ki, 99-RZ-574 qeydiyyat nişanlı "Nissan" markalı avtomobilin sürücüsü azyaşlı uşağı arxa şüşənin önündə uzadaraq aparıb. Qanunvericiliyə görə, avtomobildə gedən hər bir sərnişin oturacaqda oturmalı, 12 yaşdan yuxarı olan sərnişinlər isə təhlükəsizlik kəmərində istifadə etməlidir.

Qeyd edək ki, sərnişinin bu formada daşınması olduqca təhlükəlidir. Qəza baş verən zaman zərbənin təsirindən şüşənin sınması və sərnişinin bayıra çıxması ehtimalı qaçılmazdır.

Könül Rauf