Azyaşlı uşağını sükan arxasına keçirən sürücü: Bunlar baş versə... - VİDEO

Xırdalan şəhərində sürücünün təhlükə saçan hərəkətləri kameraya düşüb. Avtosfer.az xəbər verir ki, hadisə "Kristal Abşeron" yaşayış kompleksinin həyətində qeydə alınıb.

Belə ki, 77-KF-956 dövlət nömrə nişanlı “Land Rover” markalı avtomobilin sürücüsü azyaşlı uşağını qucağında saxlayaraq maşını idarə edib.

Bu cür davranış son dərəcə təhlükəlidir. Sürücünün sükan arxasında uşağı qucağında tutması görmə bucağını azaldır və onun yan tərəfi görməsini məhdudlaşdırır. Hər hansı maneə yarandığı halda, sürücünün ondan yayınması demək olar ki, mümkünsüz olur. Qəza baş verdiyi təqdirdə isə həm sürücü, həm də azyaşlı ciddi xəsarət ala bilər.

Təəssüf ki, sürücü bu riskləri nəzərə almadan belə məsuliyyətsiz hərəkətə yol verib.

Fərid