Azyaşlı uşaqlarını təhlükəyə atan sürücü kameraya düşdü - VİDEO

Bakıda yol hərəkəti qaydalarını kobud şəkildə pozan sürücü kameraya düşüb. Avtosfer.az xəbər verir ki, hadisə dekabrın 23-də, paytaxtın Səbail rayonu, Ziya Yusifzadə küçəsində baş verib.

Belə ki, 77-KQ-687 qeydiyyat nişanlı "BMW" markalı avtomobilin sürücüsü baş yolda olduğu halda qəza işıqlarını qoşaraq asta sürətlə hərəkət edib. Görüntünü qeydə alan oxucu bildirir ki, həmin avtomobilin asta sürətlə hərəkət etməsi digər sürücüləri çaşdırıb. Elə başa düşülüb ki, o, yolun sağında dayanacaq. Lakin sola dönərək yoluna davam edib. Bu zaman məlum olub ki, sürücü iki azyaşlı övladını ön oturacaqda otuzduraraq onların həyatını təhlükə altında qoyub.

Qeyd edək ki, bu qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə nəzərdə tutulub.

Könül Rauf