Bahalı nömrəli “BMW” ilə “şou” göstərmək istəyən sürücü təhlükə yaratdı - VİDEO

Paytaxtın Xəzər rayonu, Mərdəkan qəsəbəsində qayda pozan sürücü özünü kameraya çəkərək sosial şəbəkə hesabında paylaşıb.

Avtosfer.az-ın məlumatına görə, görüntü bir neçə gün öncə Hacı Zeynalabdin Tağıyev küçəsində qeydə alınıb. Hərəkətdə olan 99-UM-123 dövlət nömrə nişanlı “BMW 320D” markalı avtomobilin sürücüsü yolda təhlükəli manevrlər edib.

Belə ki, “şou” göstərmək istəyən sürücü əks istiqamətli yola çıxıb. Bu zaman o, qarşı tərəfdən nəqliyyat vasitəsinin gəldiyini görərək yenidən öz zolağına qayıdıb. Qayda pozan sürücü yol kənarıyla hərəkət edən piyadalara da təhlükə yaradıb.

Nərmin