Bakı-Sumqayıt yolunda "güllə kimi" uçan sürücü qorxulu anlar yaşatdı - VİDEO

Bakı-Sumqayıt yolunda qəza şəraiti yaradan sürücünün videosu avtomobildəki kameraya düşüb. Avtosfer.az xəbər verir ki, sözügedən yolda yüksək sürətlə hərəkət edən “VAZ” markalı avtomobilin sürücüsü qəfildən sağa dönərək Biləcəri qəsəbəsi istiqamətinə gedib. Bu zaman sağ zolaqlar üzrə hərəkət edən avtomobillərə təhlükəli anlar yaşadıb.

Qeyd edək ki, Bakı-Sumqayıt yolunun həmin hissəsində sürücülər gün ərzində mütəmadi olaraq qayda pozuntusu törədirlər. Sol zolaqlarla hərəkət edən sürücülər sağa - Biləcəri qəsəbəsi istiqamətinə dönmək istəyərkən son anda manevr edirlər.

Şəfa