Bakı-Sumqayıt yolunda xoşagəlməz mənzərə: Skuteri yolun ortasına atıb getdi - VİDEO

Bakı-Sumqayıt yolunda xoşagəlməz görüntü qeydə alınıb.

Avtosfer.az-ın məlumatına görə, bu barədə izləyici redaksiyamıza videomaterial göndərib. Belə ki, elektroskuter avtomobillərin intensiv hərəkətdə olduğu yola atılıb və onu sürən şəxs hadisə yerində olmayıb. Nəticədə o, sürücülərə təhlükə yaradıb. Elektroskuterlərlə təhlükəsiz hərəkət etmək üçün velosiped zolaqlarından istifadə etmək lazımdır. Hərəkət zolağının təşkil olunmadığı küçələrdə isə bu cihazlardan istifadə edənlər yalnız avtomobil yolunun sağ kənar yolunda sürməlidirlər. Qanunvericiliyə görə skuter sürücülərinin səkiylə hərəkəti qadağandır. 

Digər tərəfdən bu cihazlar vətəndaşlara müəyyən müddət ərzində (ödənişə əsasən dəyişir) icarəyə verilir və istifadə vaxtı başa çatdıqdan sonra avtomatik olaraq dayanır. Təbii ki, istifadəçi əlavə ödəniş edərək onun müddətini artıra bilər, yaxud elektroskuteri olduğu yerdən sürükləyib təyin olunmuş məntəqəyə gətirməlidir. 

Qeyd edək ki, sözügedən nəqliyyat vasitəsindən istifadə edən şəxslərin yol hərəkəti qaydalarına riayət etməlidirlər. Əks halda skuter sürücüləri İnzibati Xətalar Məcəlləsinin 338-ci maddəsinə uyğun olaraq, cərimələ bilərlər.

Nərmin