Bakıda 400 minlik maşını əks istiqamətdə sürərək təhlükə yaratdı - VİDEO

Bakıda 400 min manat dəyərində olan 10 NR 100 dövlət qeydiyyat nişanlı “Range Rover” markalı avtomobilin sürücüsü Babək prospektində əks istiqamətə hərəkət edərək yol hərəkəti qaydalarını kobud şəkildə pozub.
Avtosfer.az sfera.az-a istinadən bildirir ki, hadisə yollarda sıx hərəkətin qeydə alındığı zaman baş verib. Görüntülərdən bəlli olur ki, sürücü normalda yalnız bir istiqamətdə hərəkətə icazə verilən yolda ciddi təhlükə yaradaraq əks istiqamətə sürətini artırıb.
 Qeyd edək ki, bu cür hərəkətlər digər sürücülər və piyadalar üçün ciddi risklər yaradır. Avtomobil sahiblərinin və sürücülərinin, digər vətəndaşların təhlükəsizliyini nəzərə alaraq daha məsuliyyətli davranmaları vacibdir.