Bakıda 9 sürücü yolun ortasında maşın saxlayıb məhəllənin girişini bağladı - VİDEO

Bəzi sürücülər avtomobillərini elə yerlərdə park edir ki, piyadaların hərəkətinə çətinlik yaratmaqla yanaşı, sakinlərin öz evlərinə və iş yerlərinə rahat gedib-gəlməsinə də ciddi maneə törədir.

Avtosfer.az xəbər verir ki, paytaxtın Nəsimi rayonu, Mirəli Qaşqay küçəsində də bu cür vəziyyət yaşanıb. Vətəndaş Səbuhi Axundov sosial şəbəkədə paylaşdığı videoda qeyd edib ki, məhəlləyə giriş bir neçə avtomobil tərəfindən tamamilə bağlanıb. Buna görə də, şəxsi qarajına yaxınlaşa bilməyib.

Görüntülərdən aydın olur ki, 99-GL-141 dövlət qeydiyyat nişanlı “Mercedes”, 10-SR-707 və 99-KC-929 nömrəli iki “Toyota”, 77-LC-523 nömrəli “KİA”, 90-GN-074 nömrəli “Mitsubishi”, 99-NH-611 nömrəli “Mercedes”, 77-RK-910 nömrəli “KİA”, 10-SR-768 nömrə nişanlı “VAZ” və nömrəsi görünməyən “Chevrolet” markalı avtomobillər məhəllənin giriş yolunu tam şəkildə zəbt ediblər.

Bu hal həm piyadaların, həm də digər nəqliyyat vasitələrinin hərəkətinə ciddi şəkildə maneə yaradıb.

Eltac Zülfüqaroğlu