Bakıda “avtoşluq” etdiyinə görə saxlanılan sürücü narkoman çıxdı - 1 aylıq həbs - RƏSMİ - VİDEO

Paytaxtda avtoxuliqanlıq edərək “şou” göstərən sürücü həbs olunub. Avtosfer.az-ın sorğusuna cavab olaraq Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli bildirib ki, avtoxuliqanlıq hərəkətləri edərək polisin qanuni tələbinə riayət etməyən 55-BC-245 dövlət nömrə nişanlı “VAZ-2103” markalı nəqliyyat vasitəsinin sürücüsü Bağışlı Rəvan Rizvan oğlu yol polisi əməkdaşları tərəfindən saxlanılıb. Sürücünün hərəkətləri şübhə doğurduğu üçün onun tibbi müayinədən keçməsi təmin olunub. Müayinə zamanı B.Rəvanın narkotik vasitənin təsiri altında avtomobili idarə etdiyi məlum olub.

Sürücü barəsində Azərbaycan Respublikasının İnzibati Xətalar Məcəlləsinin müvafiq maddələrinə əsasən, protokol tərtib edilərək baxılması üçün aidiyyəti məhkəməyə göndərilib. Məhkəmə tərəfindən sürücü - Bağışlı Rəvan 1 ay müddətində inzibati qaydada həbs edilməklə 1 il müddətinə sürücülük hüququ məhdudlaşdırılıb.

Nərmin