Bakıda bahalı maşınların sürücüləri avtobus zolağında qayda pozur - DYP onları axtarır - VİDEO

Bakıda yol hərəkəti qaydasını pozan sürücülər kameraya düşüb. Avtosfer.az xəbər verir ki, hadisə yanvarın 30-da paytaxtın Fətəli xan Xoyski küçəsində qeydə alınıb. Günün pik saatlarında tıxacda qalmaq istəməyən sürücülər qayda pozmağı üstün tutublar. Belə ki, 10-AB-777 qeydiyyat nişanlı “Land Rover” və 77-ME-772 qeydiyyat nişanlı “Mercedes” markalı avtomobillərin sürücüləri avtobus zolağına daxil olaraq orada hərəkət ediblər.

Tıxac zamanı bu cür davranış, özünü digərlərindən üstün göstərmək cəhdidir. Bu isə yolda hərəkət edən digər sürücülərin narazılığına və əsəbiləşməsinə səbəb olur.

Bakı şəhər Dövlət Yol Polisi İdarəsindən Avtosfer.az-a bildirilib ki, həmin sürücülər barəsində araşdırma aparılır, hər biri cərimə olunacaq.

Fərid