Bakıda "bərkgedən" məmur yol polisinin üstünə "protiv" sürdü - VİDEO
Qaydalar 27 Noyabr 2021 15:08 Oxunub 49534
Bakıda "bərkgedən" məmur yol polisinin üstünə "protiv" sürdü - VİDEO

Bakıda qaydaları kobud şəkildə pozan sürücünün videogörüntüsünü oxuculardan biri qeydə alaraq redaksiyamızın elektron ünvanına göndərib. Avtosfer.az xəbər verir ki, 10-GY-555 qeydiyyat nişanlı "BMW" markalı avtomobilin sürücüsü Ziya Bünyadov prospektində birtərəfli hərəkət təşkil edilmiş yolun əksi istiqamətində hərəkət edib. O, axına qarşı gedərək qarşıdan gələn 99-YP-512 qeydiyyat nişanlı YPX avtomobilinin üzərinə sürüb. Bundan sonra sürücü təhlükəsizlik adacığının üzərinə çıxaraq oradan sağa dönüb.

Avtosfer.az-ın əldə etdiyi məlumata görə 10-GY-555 qeydiyyat nişanlı "BMW X7" markalı avtomobil Çingiz Qədimova məxsusdur. O, Mənzil İnşaatı Dövlət Agentliyinin (MİDA) idarə heyətinin sədrinin müavini və həmin Agentliyin Müşahidə Şurasının sədri vəzifəsində çalışır.

 

Yayılan görüntülərə Bakı şəhər Dövlət Yol Polisi İdarəsi tərəfindən münasibət bildirilib. İdarənin bölmə rəisi, polis polkovniki Vaqif Əsədov Avtosfer.az-a açıqlamasında bildirib ki, həmin vaxt ərazidə tıxac olduğundan yol polisi əməkdaşları sürücünün dayandırılması üçün qarşıdakı naryadlara məlumat verib. Bundan sonra qarşıdakı yol polisi əməkdaşları tərəfindən həmin sürücü saxlanılaraq inzibati qaydada məsuliyyətə cəlb olunub.

Fərid

ŞƏRH YAZ
Ad

E-mail

Şərh