Bakıda bu kamera sürücülərə 40 manat əvəzinə 100 manat cərimə yazır? - ŞİKAYƏT - VİDEO

Bakıda yol nişanına əhəmiyyət verməyən sürücülər kamera vasitəsilə məsuliyyətə cəlb edilirlər. Avtosfer.az xəbər verir ki, bu barədə sürücülərdən biri sosial şəbəkədə paylaşım edib.

Belə ki, sürücülər Sabunçu rayonu E.Mehdiyev küçəsində sağa məcburedici nişanın tələbinə əməl etməyərək düzünə hərəkət edən zaman onların barəsində elektron qərarlar tətbiq edilir. Lakin cərimə məbləğinin artıq yazılmasından şikayətlənirlər.

Onlar bildirirlər ki, nişanın tələbini pozaraq yalnız düzünə hərəkət etikləri halda 40 manat əvəzinə 3 bal 100 cərimə yazılır.

Əks yola çıxmadıqları halda barələrində İnzibati Xətalar Məcəlləsinin 327.2-ci maddəsinin tətbiq edilməsini düzgün hesab etmirlər.

Könül Rauf