Bakıda kafe və restoran tikənə “səki hədiyyə” olunur? - VİDEO

Paytaxtın müxtəlif ərazilərində səkilər avtomobillərin park yerinə çevrilib. Avtosfer.az xəbər verir ki, xüsusilə kafer, restoran və müxtəlif obyektlərin qarşısındakı səki yerləri qanunsuz parkinq kimi istifadə olunur. 
Belə ki, obyektin qabağında piyadaların keçməsi üçün nəzərdə tutulan səkilərdə həmin yerə gələn müştərilər və ya obyekt sahibləri avtomobil park edir. Nəticədə vətəndaşlar bu durumdan əziyyət çəkir. 
Xüsusilə günün qaranlıq vaxtlarında bu hallara daha çox rast gəlinir. Səkidən istifadı edə bilməyən piyada məcbur olaraq yolun hərəkət hissəsinə çıxır. Nəticədə isə qəzalar və piyadavurmalar baş verir. 
Qeyd edək ki, dayanma-durma qaydalarının pozulamasına görə cərimə məbləği 20 manatdır. Bahalı restoranların qarşısında saxlanılan və dəyəri yüzminlərlə ölçülər avtomobil sahibləri üçün isə bu rəqəm gözə belə görünmür. Sanki parkinq pulu verirmiş kimi məsələyə yanaşır. 
Xatırladaq ki, səkidə hərəkət etmək və avtomobil saxlamaq üçün tətəbiq olunan cərimə 40 manat təşkil edir. Amma bu məbləğ də həmin obyekt sahibləri və müştəriləri üçün ciddi rəqəm hesab edilmir. 
Dəfələrlə bu barədə şikayətlər daxil olur. Bununla bağlı müvafiq qurumların daha radikal addımlar atması labüddür. Çünki nəticə etibarilə əziyyət çəkən sadə vətəndaşlardır.

Nurlan Sakitoğlu
Nərmin Əkbər