Bakıda motosiklet sürücüsü təkər qaldırıb "ölüm şousu" göstərdi - VİDEO

Bakıda yol hərəkəti qaydasını kobud şəkildə pozan motosiklet sürücüsü qeydə aldığı videoları sosial şəbəkə hesabında paylaşıb. Avtosfer.az xəbər verir ki, sürücü bu hərəkətləri bir neçə motosikletlə edib. Görüntülər əsasən paytaxtın Binəqədi və Nəsimi rayonu ərazisində qeydə alınıb.

Belə ki, o, idarə etdiyi 99-F-898 qeydiyyat nişanlı motosikletlə dəfələrlə təkər qaldırıb, eyni zamanda təkərin yerlə sürtünməsi səslərini çıxararaq asfaltda çoxsaylı izlər buraxıb. Digər videolarda onun əks yola çıxaraq qarşıdan gələn avtomobillər üçün təhlükə yaratdığı aydın şəkildə görünür. Bundan əlavə, Bakı-Sumqayıt yolunda avtomobillərin arası ilə hərəkət edərək təhlükəli manevrlər edib.

Fərid