Bakıda piyadaların qayda pozuntularını əks etdirən - BİABIRÇI VİDEO

Feysbokda fəaliyyət göstərən «Həyata bağlan» qrupu Bakıda piyadaların kobud hərəkətlərini, qayda pozuntularını və qəza şəraiti yaratmasını əks etdirən maraqlı videoçarx hazırlayıb. Avtosfer.az-ın məlumatına görə, qrupun video ilə birlikdə yaydığı məlumatda qeyd olunur ki, svetoforun siqnalları tək avtomobillər üçün deyil. «Yol hərəkəti haqqında» qanunun 40-cı maddəsinə əsasən, piyadalar onlar üçün nəzərdə tutulmuş svetofor olmadıqda nəqliyyat svetoforunun işıqlarına diqqət yetirməlidirlər.

İnzibati Xətalar Məcəlləsinə görə isə təkcə yolu keçiddən keçməməyə görə deyil, digər hallara görə də piyadalar məsuliyyət daşıyır.

Maddə 338. Piyadalar və yol hərəkətinin başqa iştirakçıları tərəfindən yol hərəkəti qaydalarının pozulması

338.1. Piyadalar tərəfindən yol hərəkəti qaydalarının pozulmasına, yəni:

338.1.1.  piyada svetoforunun və ya nizamlayıcının işarələrinə riayət

edilməməsinə;

338.1.2. yolda yaxınlaşmaqda olan nəqliyyat vasitələrinin qarşısına qəflətən

çıxılmasına;

338.1.3. qırmızı və ya göy sayrışan işıq və xüsusi səs siqnalı qoşulmuş nəqliyyat

vasitəsi yaxınlaşan zaman hərəkət hissəsinin tərk edilməməsinə görə 20 manat məbləğində cərimə edilir.

338.2. Piyadalar tərəfindən yolun hərəkət hissəsinin, dəmiryol keçidinin müəyyən

olunmayan yerdən keçilməsinə görə 20 manat məbləğində cərimə edilir.

Təəssüf ki, bizim şəhərdə bu sadə qaydaya riayət etməyən və piyada keçidlərində özünü düzgün aparmayan insanlar çoxdur. Onlar həm özünün, həm uşaqlarının, həm də sürücülərin həyatlarını təhlükə altına qoyurlar.

Gəlin, bu videonu paylaşaq ki, hər kəs maariflənsin.

Elmin