Bakıda qadın günahsız sürücünü təhqir etdi: "Səni polisə verəcəm" - VİDEO

Bəzi obyekt sahibləri satın aldıqları, yaxud icarəyə götürdükləri məkanla yanaşı ətraf əraziləri də “özününküləşdirir”. Hal belə olunca sürücülərlə sahibkarlar arasında xoşagəlməz situasiyalar yaranır.

Paytaxtın Əbdülvahab Salamzadə küçəsində də qeyd etdiyimiz halla bağlı hadisə qeydə alınıb. Avtosfer.az-ın məlumatına görə, şikayətçi  bu barədə sosial şəbəkə hesabında paylaşım edib. O bildirib ki, yaşayış kompleksindən çıxan digər nəqliyyat vasitələrinə yol vermək üçün avtomobili bir neçə dəqiqəlik yol kənarında saxlayıb. Bu zaman yol kənarındakı obyektin sahibi olan qadın ona yaxınlaşaraq ağacdan asılmış “plakat”ı göstərib və ərazidə maşın saxlamağın qadağan olunduğunu qeyd edib. Sürücünün “xanım, siz obyekti almısınız ya yolu?” sualına qadın “elə yol da, obyekt də mənimdir” deyərək cavab verib. Sürücü bununla bağlı sənədi göstərməsini tələb etdikdə isə qadın onu öncə təhqir, ardıyca təhdid edib.

Qeyd edək ki, qanunvericiliyə görə, obyekt sahibi məkan qarşısındakı ərazinin ona aid olduğunu bəyan edirsə, müvafiq sənədləri təqdim etməlidir. Əgər obyektin bu əraziyə sahib olması ilə bağlı rəsmi sənədləri yoxdursa, o zaman obyektin sahibi vətəndaşın hüquqlarını pozaraq ərazini qanunsuz zəbt edir. Bu halla qarşılaşan vətəndaş aidiyyəti qurumlara müraciət edə bilər.

Könül