Bakıda "qoçu" sürücü həyəcanlı anlar yaşatdı: "Səni məhv edərəm" - VİDEO

Bakıda manevr qaydasını pozan sürücü qəza şəraiti yaradıb. Avtosfer.az xəbər verir ki, hadisə dekabrın 16-da, paytaxtın Mətbuat prospekti ilə Abbas Mirzə Şərifzadə küçəsinin kəsişməsində baş verib.

Belə ki, 90-PY-356 qeydiyyat nişanlı "Lada" markalı avtomobilin sürücüsü sola dönən zaman görüntünü qeydə alan avtomobili sıxışdıraraq qəza şəraiti yaradıb. Təhlükə ilə üzləşən sürücü bildirir ki, səs siqnalı verən zaman, o, üzr istəmək əvəzinə hədə-qorxu gəlməyə başlayıb. Onun sözlərinə görə, qaydanı pozan sürücü "Nə deyirsən? Çək qırağa. Səni məhv edərəm" deyərək hədələməyə başlayıb. Avtomobili qəfil sağa sıxaraq növbəti dəfə təhlükə yaratması da videoya əks olunub. Sonra isə kameranı görərək dərhal oradan uzaqlaşıb.

Bütün bunları yaşayaraq həyəcan keçirən sürücü həmin şəxsin ciddi şəkildə məsuliyyətə cəlb edilməsini xahiş edir.

Fərid