Bakıda şadlıq sarayının qarşısında sürücülər maşını səkidə park etdi - VİDEO

Bakıda parklanma qaydasını pozan sürücülər piyadaların hərəkətinə maneə yaradıblar. Avtosfer.az xəbər verir ki, bu barədə oxuculardan biri qeydə aldığı videonu redaksiyamızın qaynar xəttinə göndərib. Hadisə fevralın 9-da, paytaxtın Ceyhun Səlimov küçəsində ("Niel" şadlıq sarayının qarşısında) baş verib. Belə ki, yolun kənarına ödənişli parklanmanı bildirən nişan və onun üzərinə parklanma üsulunu bildirən lövhəcik quraşdırılıb. Eyni zamanda asfalt üzərinə parklanmanın sərhəddini bildirən nişanlanma xətləri də çəkilib. Lakin 77-RA-754 qeydiyyat nişanlı "Hyundai" markalı, 77-PL-075 qeydiyyat nişanlı "Changan" markalı, 77-BD-320 qeydiyyat nişanlı "Ford" markalı avtomobillərin sürücüləri səkiyə paralel deyil, bucaq altında park ediblər. Parklanma üsulu pozulduğu üçün avtomobillərin yarısı səkinin üzərində qalıb. Bu isə piyadaların hərəkətinə çətinlik yaradıb.

Bu xətaya görə, sürücüləri İnzibati Xətalar Məcəlləsinin 346-1.2-ci maddəsi ilə 10 manat məbləğində cərimə gözləyir.

Leyla