Bakıda sürücü sərnişin dolu avtobusu səkinin üzərinə çıxarıb əks yola keçdi - VİDEO

Paytaxtın Nərimanov rayonu Qurban Pirimov küçəsində kobud qayda pozan avtobus sürücüsü görüntülənib.

Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb.

Belə ki, 83 nömrəli müntəzəm marşrut xətti üzrə hərəkət edən 99-OM-213 dövlət nömrə nişanlı “Daewoo” markalı sərnişin avtobusunun sürücüsü beton maneənin üzərinə çıxıb və əks istiqamətli yola çıxıb. O, çətinliklə qarşı tərəfə keçib və bu zaman avtobusda olan sərnişinləri təhlükəyə atıb.

İddialara görə, sürücü tıxacda qalmamaq üçün bu xətanı törədib. 

Nərmin