Bakıda velosiped yoluna çıxan taksi sürücüsündən kobud hərəkət - VİDEO

Paytaxtın Bilgəh yolunda  tıxacda qalmaq istəməyən taksi sürücüsü yol hərəkəti qaydasını pozub. Avtosfer.az xəbər verir ki, Bilgəh yolunda hərəkət edən 90-NK-654 qeydiyyat nişanlı “Azsamand” markalı avtomobilin sürücüsü tıxacda qalmamaq üçün süni maneələrin arasından keçərək velosiped zolağına daxil olub. Onun qayda pozuntusunu qeydə alan sürücü həmin görüntüləri sosial şəbəkədə paylaşıb.

Xatırladaq ki, bir neçə gün öncə Bakı Nəqliyyat Agentliyi velosiped sürücülərinin təhlükəsiz hərəkəti üçün sözügedən yolda iki istiqamətli velosiped zolağı təşkil edib. Mexaniki nəqliyyat vasitələrinin həmin zolağa daxil olmasına görə İnzibati Xətalar Məcəlləsində məsuliyyət tədbirləri nəzərdə tutulub.

Təbriz