Bakıda yol polislərinə müqavimət göstərən sürücü HƏBS EDİLDİ - FOTO

Sentyabrın 15 -də Heydər Əliyev prospektində manevr qaydalarını pozan 90-DH-093 qeydiyyat nişanlı  “Mersedes” markalı avtomobilin sürücüsü yol polisi əməkdaşları tərəfindən saxlanılıb. Avtosfer.az xəbər verir ki, sürücü saxlanılan zaman nəqliyyat vasitəsinin üzərində ödənilməyən cərimələrin olduğu da aşkarlanıb. YPX əməkdaşları nəqliyyat vasitəsini cərimə meydançasına aparmaq istədikdə sürücü Səməndər Mehdiyev kobud davranaraq müqavimət göstərməyə başlayıb. Bu zaman polis əməkdaşları hadisə yerinə post patrul xidmətinin əməkdaşlarını dəvət edib. Bundan sonra sürücü Nizami rayon 25-ci polis bölməsinə təhvil verilib və onun barəsində toplanılmış materiallar Nizami rayon Məhkəməsinə göndərilib.

Qeyd edək ki, bu gün məhkəmənin qərarı ilə sürücü Mehdiyev Səməndər Rizvan oğlu İnzibati Xətalar Məcəlləsinin 535-ci maddəsi ilə təqsirli bilinərək 15 gün müddətinə inzibati qaydada həbs edilib.

Yunis