Bakıda zibil qabları maşınlarla birgə hərəkət etdi - VİDEO

Bakıda küləkli hava şəraitinin yaratdığı mənzərə avtomobildəki kameraya əks olunub. Avtosfer.az xəbər verir ki, hadisə aprelin 8-də, paytaxtın Xətai rayonu, Günəşli qəsəbəsində qeydə alınıb.

Belə ki, yolun hərəkət hissəsinə yerləşdirilmiş zibil yeşikləri küləyin əsməsi nəticəsində tərpənərək hərəkətə başlayıb. Yolun eniş olması səbəbindən yeşiklər dayanmadan hərəkət edərək sürücülərə çətin anlar yaşadıb.

Mütəxəssislər hər zaman qeyd edir ki, zibil yeşiklərinin yolun hərəkət hissəsinə yerləşdirilməsi doğru deyil. Onlar üçün yoldan kənarda xüsusi yerlər ayrılmalıdır ki, həm sürücülərə təhlükə yaratmasın, həm də sakinlər zibil atan zaman yolun hərəkət hissəsinə çıxmasınlar. Evdə yığılan tullantıları bəzən azyaşlılar da atır. Onların yolun hərəkət hissəsinə çıxması olduqca təhlükəli hesab olunur. Ona görə də zibil yeşiklərinin yolun hərəkət hissəsində yerləşdirilməsi uğursuz addımdır.

Fərid