Bakının islah olunmayan “avtoşu” yenə “meydan sulayır” - VİDEO

Dəfələrlə qayda pozan sürücünün videoları sosial şəbəkələrdə geniş yayılıb. 

Avtosfer.az xəbər verir ki, sürücü qayda pozduğu videoları şəxsi "TikTok" hesabında paylaşaraq trendə düşüb.

Görüntülərdən aydın olduğu kimi, 90-LP-154 dövlət nişanlı "VAZ-2107" markalı maşının sürücüsü maşında bir sıra konstruksiya dəyişiklikləri edib.

O, qeydiyyat nişanını çıxararaq və avtomobilin ön hissəsini yuxarı qaldıraraq idarə edib.

Qeyd edək ki, avtoxuliqan sürücünün dəfələrlə saxlanılmasına baxmayaraq, o yenə də öz əməllərindən əl çəkmir.

Könül Rauf