Bakının mərkəzində nişanlar arasındakı ziddiyət sürücülərə təhlükə yaratdı - VİDEO

Bakıda hərəkətin təşkilində olan nöqsan sürücülərə təhlükə yaradıb. Bu barədə oxuculardan biri qeydə aldıqları videonu redaksiyamızın qaynar xəttinə göndərib. Avtosfer.az xəbər verir ki, hadisə paytaxtın Şəmsi Bədəlbəyli küçəsi ilə Bülbül prospektinin kəsişməsində baş verib. Belə ki, sözügedən kəsişmədə orta və sağ zolaqda düzünə və sağa hərəkət təşkil edilib. Görüntünü qeydə alan sürücü sağ zolaqdan düzünə hərəkət edən zaman, orta zolaqdan sağa dönən "Mercedes" markalı avtomobilin sürücüsü ona təhlükəli anlar yaşadıb.

Bundan öncə xəbər verdiyimiz kimi paytaxtın bir neçə küçəsində hərəkət eynən bu cür təşkil edilib. Təbii ki, bu, düzgün yanaşma deyil. Sonda sürücülər videoya əks olunduğu kimi qəza vəziyyəti ilə üzləşirlər. Hətta sürətli hərəkət zamanı ağır qəzalar da baş verir.

Fərid