Bakının məşhur "avtoşu" Hüseyn Cavid parkında təkər qaldırdı - VİDEO

Bir müddət öncə avtoxuliqanlıq hərəkətləri ilə gündəmə gələn "avtoş" sürücünün yeni videoları yayılıb. Avtosfer.az">Avtosfer.az xəbər verir ki, 90-ZZ-694 qeydiyyat nişanlı "VAZ-2107" markalı avtomobilin sürücüsü paytaxtın Landau küçəsində (Hüseyn Cavid parkında) müxtəlif sərt manevrlər edərək avtomobilin bir təkərini yer səthindən qaldırıb. Digər görüntüdə isə yüksək sürətlə gələrək əl əyləci vasitəsilə avtomobili fırladıb.

Qeyd edək ki, sürücü avtomobilin konstruksiyasına da dəyişiklik edərək ön hissəsini qaldırıb, arxa hissəsini isə aşağı salıb.

Avtosfer.az-a daxil olan məlumata görə, videodakı əməlləri törətdiyi üçün sürücü vaxtilə həbs olunub. Belə ki, bu sürücüyə atoxuliqanlıq əməlinə görə 2021-ci ilin aprel ayında Səbail rayon Məhkəməsi tərəfindən 50 gün həbs verilib. Digər vaxtda yenə də avtoxuliqanlıq hərəkətləri edən zaman digər şəxslərin əmlakına qəsdən zərər vurduğuna görə cinayət işi açılıb və Binəqədi rayon Məhkəməsi tərəfindən 30 gün müddətinə həbs olunub, həmçinin sürücülük hüququndan 2 il müddətinə məhrum edilib. 

Fərid