Bakının məşhur hotelinin sürücüləri avtobus zolağını zəbt edir - FOTO

Paytaxtda artıq bir müddətdir ki, piyadaların, eləcə də skuter və velosipedlə hərəkət edən vətəndaşların rahat və təhlükəsizliyi üçün müxtəlif addımlar atılır. Buna baxmayaraq, hələ də bəzi şirkətlər, onların sürücüləri bu istiqamətdə verilən qanunları pozmağa davam edir.

Avtosfer.az xəbər verir ki, Bakının Yasamal rayonunda yerləşən Qış parkının yanındakı velosiped zolağının mütəmadi olaraq zəbt edilir.

Belə ki, rayonun Mirzəağa Əliyev küçəsində yeni salınan zolaq hər gün bir neçə dəfə sürücülər tərəfindən özəlləşdirilir. “Winter Park Hotel”ə məxsus turist daşıyan iri tutumlu avtobuslar, hotelə məxsus “Mercedes Vito” markalı nəqliyyat vasitələri, eləcə də taksi sürücüləri velosiped zolağında park edir. Sərnişinlərin düşürülməsi və mindirilməsi üçün zolaqda dayanmağı üstün tuturlar.

Zolağın bu şəkildə zəbt olunması həm velosipedçilər üçün təhlükə yaradır, həm də piyadaların hərəkətinə mane olur. 
Qeyd edək ki, qaydaları bu cür pozan sürücülər İnzibati Xətalar Məcəlləsinin 346.7-ci maddəsinə əsasən, 2 bal və 100 manatla cərimələnə bilər.
Fidan