“Baku Bus”un “protiv” gedən sürücüsünə cərimə yazıldı – VİDEO

Bakıda yol hərəkəti qaydalarını kobud şəkildə pozan "Baku Bus" MMC-yə məxsus avtobusun sürücüsü cəzalandırılıb. Bakı şəhər Dövlət Yol Polisi İdarəsindən Avtosfer.az-a verilən məlumata görə, 13 nömrəli xətt üzrə hərəkət edən, 99 JX 266 dövlət nömrə nişanlı avtobusu idarə edən sürücünün Kərimov Kamran Ağakərim oğlu olduğu müəyyən edilib. Onun barəsində İnzibati Xətalar Məcəlləsinin 327.4-cü maddəsinə əsasən protokol tərtib edilib. Beləliklə, sürücü 4 bal, 100 manat cərimə edilib.

Qeyd edək ki, sürücü avtobusu əks istiqamətə çıxararaq hərəkət edib. Təhlükəli vəziyyət yaradan avtobus sürücüsü əks yola çıxdığı azmış kimi hələ qarşısına çıxan avtomobildən yol da istəyib.

Bakı Nəqliyyat Agentliyindən Avtosfer.az-a verilən məlumata görə, videogörüntü əsasında dərhal araşdırma başlanılıb. Agentlik tərəfindən daşıyıcı şirkət qarşısında məsələnin araşdırılması ilə bağlı tələb qoyulub. Bundan sonra sərnişinlərin həyatını kobud qayda pozuntusuna yol verərək təhlükəyə atan sürücü “Baku Bus” MMC tərəfindən işdən azad edilib.

Emin