"BakuBus" sürücüləri məktəbin qarşısında yarışa çıxdılar - VİDEO

Bakıda yarışa çıxan daha iki avtobus sürücüsü kameraya düşüb. Avtosfer.az xəbər verir ki, hadisə aprelin 28-də, paytaxtın Ramana qəsəbəsində (37 nömrəli məktəbin yaxınlığında) baş verib. Görüntünü qeydə alan oxucu redaksiyamıza müraciət edərək bildirir ki, həmin yolda hərəkət sürəti 30 km/saatdır. Lakin “BakuBus”a məxsus 77-JA-624 qeydiyyat nişanlı və 77-JA-645 qeydiyyat nişanlı avtobusların sürücüləri bir-biri ilə yarışa çıxaraq təhlükə yaradıblar. Onlar qarşıdan digər avtobusun gəlməsinə baxmayaraq ötmə əməliyyatı həyata keçirib. İkinci ötmə edən avtobus ötməni başa çatdıra bilməyəcəyini görəndən sonra öz zolağına qayıdıb.

Nurlan Sakitoğlu