"BakuBus"ın qoçu sürücüsü yolu kəsib davaya başladı - VİDEO

"Bakubus"a məxsus avtobusun qayda pozuntularını oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə noyabrın 17-də, paytaxtın Qara Qarayev prospektində baş verib. Belə ki, 77-JB-253 qeydiyyat nişanlı avtobusun sürücüsü hərəkət zamanı avtobus zolağından kənara çıxaraq istədiyi formada hərəkət edib. Daha sonra həmin zolaqda hərəkət edən digər marşrut avtobusunu keçmək üçün sol zolaqlara yerdəyişmə edərək ötmə əməliyyatı həyata keçirib. Görüntünü qeydə alan sürücü yolayrıcından sağa dönmək üçün qırıq xətdə avtobus zolağına daxil olan zaman avtobus sürücüsü yenidən şou göstərməyə başlayıb. O, bundan qəzəblənib yenidən nişanlanma xəttinin tələbini pozaraq digər zolağa keçib və sonra qırımızı işıqda yolayrıcına daxil olaraq yolu kəsib. Bu azmış kimi avtobusdan düşərək görüntünü qeydə alan sürücü ilə dava etməyə başlayıb.

Sözügedən videonu təqdim edirik:

Fərid