Baş yoldan gələn maşını son anda görən sürücü qəzanın bir addımlığından döndü - VİDEO

Paytaxtın 8 Noyabr prospektiylə Fəvvarələr 1 küçəsinin kəsişməsində qayda pozan sürücü anbaan avtomobilin kamerasına düşüb.

Avtosfer.az-ın məlumatına görə, hadisə iyunun 10-da saat 09:56 radələrində qeydə alınıb. Belə ki, 90-YU-438 dövlət nömrə nişanlı “Toyota Aqua” markalı avtomobilin sürücüsü baş yoldan gələn maşına fikir vermədən hərəkət edib. O, yaxınlaşan maşını son anda görərək maşını saxlasa da görüntünü qeydə alan sürücüyə qəza şəraiti yaradıb. Xoşbəxtlikdən təhlükəylə üzləşən sürücü dayanaraq baş verəcək qəzanın qarşısını  alıb.

Təəssüflə qeyd edək ki, bəzi sürücülər işıqfora və yol nişanlarına diqqət etmədən yolayırıcına daxil olurlar. Bu isə videodakı hal kimi təhlükəli vəziyyət yaranmasına və yol-nəqliyyat hadisələrinin baş verməsinə gətirib çıxarır. 

Nərmin