Başı telefona qarışan sürücü sol zolağı zəbt edib yolu kəsdi, ardınca… - VİDEO

Paytaxtın Qaradağ rayonu, Sahil qəsəbəsində qaydaları kobud şəkildə pozan sürücü avtomobilin kamerasına düşüb. 

Bu barədə izləyicilərdən biri Avtosfer.az-ın “Whatsapp” ünvanına videomaterial göndərərək məlumat verib. 

Hadisə fevralın 10-da, saat 17:51 radələrində qeydə alınıb.

Kadrlardan görünür ki, yaşayış məntəqəsindən kənarda hərəkət edən 99-MZ-432 dövlət nömrəli “Ford” sürücüsü sol zolağı zəbt edib. Digər sürücülərin siqnal verməsinə və işıqları yandırıb-söndürməsinə baxmayaraq, o xəbərdarlıqlara məhəl qoymayıb. Nəticədə onlar sağdan ötməyə məcbur olublar.

Şikayətçinin iddiasına görə, sürücü sükan arxasında telefondan istifadə edib. 

Daha sonra sağ zolağa keçən sürücü bir müddət sonra sola manevr edərək görüntünü qeydə alan avtomobilə qəza təhlükəsi yaradıb.

Nərmin