"Bentley" sürücüsü yaşıl işıqda hərəkət edənlərin yolunu kəsdi - VİDEO

Bakıda qaydaları pozan sürücü hərəkətə çətinlik yaradıb. Avtosfer.az xəbər verir ki, hadisə iyunun 3-də, paytaxtın Bakıxanov küçəsində qeydə alınıb. Belə ki, 10-BB-106 qeydiyyat nişanlı "Bentley" markalı avtomobilin sürücüsü yolayrıcında tıxac olduğunu görərək kəsişmə yerinə daxil olub. Digər istiqamətə yaşıl işıq yandıqdan sonra isə sürücü yolayrıcında qalaraq hərəkəti məhdudlaşdırıb.

"Yol hərəkəti haqqında" qanunda qeyd olunub ki, əgər yolayrıcında və ya hərəkət hissələrinin kəsişməsində tıxac yaranıbsa və bu sürücünü dayanmağa məcbur edərək digər nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya kəsişmə yerlərinə girməsi qadağandır.

Bu qayda pozuntusunu törədən sürücülər İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilərlər.

Fərid