Biləcəridə piyadaları təhlükəyə atan sürücülər CƏRİMƏLƏNDİ - VİDEO

Bakı Şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli Avtosfer.az-ın sorğusuna cavab olaraq bildirib ki, 90-RS-080 dövlət nömrə nişanlı “Hyundai” və 77-RV-505 dövlət nömrə nişanlı “Mercedes” markalı avtomobillərin sürücüləri qeyd edilən ərazidə piyadaların rahat və təhlükəsiz hərəkətinə maneə yaratdıqları üçün barələrində İnzibati Xətalar Məcəlləsinin 346.9-cu maddəsinə əsasən protokol tərtib olunub.

O, sürücülərdən xahiş edib ki, nəqliyyat vasitələrini səkilərdə saxlamasınlar və piyadaların hərəkətinə əngəl törətməsinlər. Əks halda, barələrində qanunamüvafiq tədbirlər görüləcək.

*** 8 oktyabr, 17:30

Paytaxtın Binəqədi rayonu, Biləcəri qəsəbəsində dayanma-durma qaydalarını pozan sürücülər görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Hadisə bir neçə gün öncə axşam saatlarında Yəhya Hüseynov küçəsində qeydə alınıb. Videodan göründüyü kimi, 90-RS-080 dövlət nömrə nişanlı “Hyundai” markalı və 77-RV-505 dövlət nömrə nişanlı “Mercedes” markalı avtomobillərin sürücüləri nəqliyyat vasitələrini səkidə park ediblər. Nəticədə onlar piyadaların səkiylə hərəkətini məhdudlaşdırıblar. İzləyicinin sözlərinə görə, ərazidən keçən piyadalar məcbur qalaraq avtomobillərin intensiv hərəkətdə olduğu yolla gediblər. O, bildirib ki, ərazidə hər gün eyni mənzərə qeydə alınır. 

Nərmin