Bilmirsən avtobus zolağıdır, yoxsa tələ - Nişanlanma xəttində nöqsan var - VİDEO

Bakıda sürücülərin təhlükə ilə üz-üzə qaldığı yolayrıcı ilə bağlı oxuculardan biri redaksiyamızın qaynar xəttinə şikayət ünvanlayıb. Avtosfer.az xəbər verir ki, söhbət avtovağzal dairəsi kimi tanınan ərazidən gedir.

Belə ki, sürücülər yolayrıcından sağa - avtovağzal istiqamətinə dönən zaman avtobus zolağına daxil olmaq məcburiyyətində qalırlar. Lakin avtobus zolağını tərk etmək üçün qırıq xətlər təşkil edilmədiyindən, sürücülərə kütləvi şəkildə cərimələr yazılır. Hərəkət elə təşkil edilib ki, sağa dönən sürücülər məcburən ikinci zolağa dönməli olurlar. Bu isə hər iki istiqamətdən gələn nəqliyyat vasitələri üçün təhlükəli hesab edilir. Hətta "Yol hərəkəti haqqında" qanunun müddəalarına əsasən, sağa dönən sürücü ən sağ zolağa manevr etməlidir. Lakin bu yolayrıcında sağ zolağa manevr etmək 100 manatla nəticələnir.

Ümid edirik ki, aidiyyəti qurumlar paytaxt yollarında təşkil edilmiş bu cür avtobus zolaqlarının standarta uyğun şəkildə dəyişdirilməsini təmin edəcək.

Fərid