Binəqədidə əks yola çıxan avtobus sürücüsü sərnişinlərin həyatını riskə atdı - VİDEO

Paytaxtın Binəqədi rayonu, Rəsulzadə qəsəbəsində qayda pozan avtobus sürücüsü görüntülənib.

Avtosfer.az-ın məlumatına görə, hadisə avqustun 16-da saat 19:12 radələrində qeydə alınıb. Videodan göründüyü kimi, 45 nömrəli müntəzəm marşrut xətti üzrə hərəkət edən 90-RH-568 dövlət nömrə nişanlı “Isuzu” markalı sərnişin avtobusunun sürücüsü qoşa xəttin tələbini pozaraq əks istiqamətli yola çıxıb. Nəticədə o, avtobusdakı sərnişinlərə və görüntünü qeydə alan sürücüyə qəza riksi yaradıb. Xoşbəxtlikdən təhlükəylə üz-üzə qalan sürücü ehtiyatlı davranaraq baş verəcək qəzanın qarşısını alıb.

Nərmin