Binəqədidə maşını kəsişmədə saxlayan sürücü hərəkəti iflic etdi - VİDEO

Paytaxtın Binəqədi rayonu, Əcəmi Naxçıvani küçəsiylə Atatürk prospektinin kəsişməsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə sentyabrın 20-də saat 14:16 radələrində qeydə alınıb. Kadrdan da aydın olduğu kimi, 99-CQ-345 dövlət nömrə nişanlı “Changan” markalı avtomobilin sürücüsü dayanma-durma qaydasını pozub. Belə ki, o, maşını kəsişmədə park edib və yolayrıcına daxil olan sürücülərin hərəkətini çətinləşdirib. Eyni zamanda qayda pozan sürücü avtomobillərə qəza şəraiti də yaradıb. 

Xatırladaq ki, qanunvericiliyə görə, yolayrıcında, piyada və dəmir yolu keçidlərində avtomobil saxlamaq olmaz. Bu, hərəkəti məhdudlaşdırır və qəza riskini artırır. Əgər məcburi dayanma olarsa (məsələn qəza, nasazlıq) bu vaxt sürücü qəza işıqlarını yandırmalı və xəbərdarlıq nişanı qoymalıdır.

Nərmin