Bir əlində çətir, digərində telefon - Motosikletçi qəza törətdi - VİDEO

Bir əlində iki qarpız tutmaq istəyən çinli maraqlı hadisə törədib. Avtosfer.az xəbər verir ki, hadisə Çində lentə alınıb. Havaların isti keçdiyi ölkədə motosikleti ilə yolda gedən şəxs qəfildən divara çırpılıb. Elə bilməyin ki, motosikletçi yatıb və ya içkili olub. Məsələ burasındadır ki, günəşdən qorunmağa çalışan bu insan sükün arxasında belə, sevimli çətirindən əl çəkmək istəməyib. Hər şeyin yaxşı getdiyi bir vaxtda gələn zəng isə aləmi bir-birinə vurub. Digər əli ilə telefona cavab verən çinli diqqətini yayındırıb. Motosikleti ilə divara çatanda isə, artıq gec olub. Gəldiyi sürətlə çırpılan bu adam onu izləyənlərin gülüş hədəfinə çevrilib.